Türkiyədə terror aktında xəsarət alanların son durumu açıqlanıb

Türkiyənin İstanbul şəhərində ötən gün törədilmiş terror aktında xəsarət alanların son durumu açıqlanıb.

“Report” xəbər verir ki, bu barədə Türkiyənin səhiyyə naziri Fahrettin Koca tviter hesabında yazıb.

“İstiqlal küçəsində baş verən partlayışda yaralanan 81 nəfərdən 39-nun müalicəsi başa çatdıqdan sonra evə buraxılıb. Xəstəxanaya yerləşdirilən 42 yaralıdan 5-i hələ də reanimasiya şöbəsindədir, onlardan 2-nin vəziyyəti ağırdır. Yaralıların ən qısa zamanda sağalması üçün əlimizdən gələni edirik”, - Fahrettin Koca sosial şəbəkə hesabında yazıb.

Qeyd edək ki, hadisə zamanı 6 nəfər həlak olub. Terror aktını qadın həyata keçirib.