Türkiyədə ağır yol qəzasında 3 nəfər ölüb

Türkiyənin Tokat şəhərinin Turhal rayonunda bir avtomobilin iştirakı ilə baş vermiş yol-nəqliyyat hadisəsində üç nəfər ölüb.

“Report” xəbər verir ki, bu barədə ölkənin “TRT Haber” telekanalı məlumat yayıb.

Bildirilib ki, minik avtomobili sürücünün idarəetməsindən çıxaraq ağaca çırpılıb və sonra da aşıb. Qəzada sürücü və nəqliyyat vasitəsindəki iki sərnişin həlak olub.

Hadisə yerinə polis, təcili yardım briqadaları cəlb olunublar.

Faktla bağlı araşdırma aparılır.