Türkiyə sahillərində 30-dan çox qanunsuz miqrant xilas edilib

Türkiyənin cənub-qərbində yerləşən Aydın vilayətinin turistik Quşadası rayonu sahillərində 32 qanunsuz miqrantın olduğu qayıq aşkar edilib.

“Report” “Anadolu”ya istinadən xəbər verir ki, onların Yunanıstan hərbçiləri tərəfindən qovularaq, Türkiyənin sahillərinə yönəldildiyi bildirilir. Daha 4 miqrant üzərək sahilə çıxıb.

Türkiyəli hərbçilər qayıqdakı miqrantları sahilə çıxararaq, Aydın vilayətinin Miqrasiya İdarəsinə çatdırıblar.