Türkiyə Qəzza ilə bağlı beynəlxalq ictimaiyyətə çağırış edib

Türkiyə İsrail nazirlərinin polis müşayiəti ilə Məscidül-Əqsaya basqın etməsini sərt şəkildə qınayıb.

“Report” xəbər verir ki, bu barədə Türkiyə Xarici İşlər Nazirliyi məlumat yayıb.

Qeyd olunub ki, bu cür təxribatlar Qüdsün müqəddəs statusunu və Məscidül-Əqsanın toxunulmazlığını hədəfə alır, həmçinin iki dövlətli həllə və bölgədə sülhə ciddi zərbə vurur.

Rəsmi Ankara İsrailin işğalçı və sabitliyi pozan siyasətlərinə qarşı beynəlxalq ictimaiyyəti sükuta son verməyə, dərhal atəşkəsin təmin olunmasına və iki dövlətli həllə yönələn sülh prosesini dəstəkləməyə çağırıb.