Tramp ABŞ və İran arasında anlaşma memorandumunun imzalandığını təsdiq edib

ABŞ və İran arasında anlaşma memorandumu imzalanıb.

"Report" xəbər verir ki, bunu ABŞ Prezidenti Donald Tramp bəyan edib.

Onun sözlərinə görə, Hörmüz boğazı iyunun 19-da tam şəkildə açılacaq.

Tramp ABŞ və İran arasında razılaşmaların imzalanmasından məmnun olduğunu bildirib: "İranla razılaşmadan çox məmnunam, çünki Hörmüz boğazının cümə günü tam açılması gözlənilir".

O qeyd edib ki, özünün Cenevrədə memorandumun imzalanmasında iştirak etməsi ehtimalı azdır, lakin ABŞ vitse-prezidenti Cey Di Vensin mərasimdə iştirak edəcəyini qeyd edib: "O vaxta qədər, yəqin ki, artıq gedəcəyəm. Amma Vens artıq buna hazırlaşır".

Tramp Tehran və Vaşinqton arasında əldə edilən razılaşmaların həyata keçirilməsinin ABŞ-ın İrana qarşı sanksiyalarının ləğvini də əhatə etdiyini təsdiqləyib.

"Bu, davranışdan asılıdır. Əgər onlar (İran hakimiyyəti – Qeyd) gözlənilənləri etsələr, sanksiyaların ləğvi baş verməyə başlayacaq", - deyə ABŞ prezidenti bildirib.

"Axios" və "Reuters" bəyan edib ki, İranla anlaşma memorandumunu ABŞ tərəfindən Prezident Donald Tramp və vitse-prezident Cey Di Vens, Tehran adından isə bu ölkənin parlamentinin sədri Məhəmmədbaqer Qalibaf imzalayıb.

Memorandum elektron şəkildə imzalanıb. Rəsmi imzalanma mərasimi iyunun 19-da İsveçrədə keçiriləcək.