Kasım-Jomart Tokayev: "Qazaxıstan idarəolunmaz inflyasiya artımı ilə üzləşib"

Qazaxıstan iqtisadiyyatı idarəolunmaz inflyasiya artımı ilə üzləşib.

“Report” TASS agentliyinə istinadən xəbər verir ki, bu barədə Qazaxıstan Prezidenti Kasım-Jomart Tokayev bəyan edib.

“Milli bank və hökumət dünyadakı tendensiyalara istinad edərək onun qarşısında gücsüz hala gəliblər. Bu cür bəhanələr milli iqtisadiyyatın həssaslığını ortaya çıxarır”, - o deyib.

Onun sözlərinə görə, Milli Bankın və Nazirlər Kabinetinin əsas vəzifəsi inflyasiyanı yenidən 4-6 % səviyyəsinə qaytarmaqdır.

Qeyd edək ki, iyun ayının yekunlarına görə Qazaxıstanda inflyasiya səviyyəsi 7,9 % təşkil edib. May ayında isə bu göstərici 7,2 % olub.