Tatarıstanda ağır qəza: Altı nəfər həyatını itirib

Rusiya Federasiyasının Tatarıstan Respublikasının Zelenodolsk şəhərində baş verən ağır yol-nəqliyyat hadisəsi altı nəfərin ölümü ilə nəticələnib.

"Report" xəbər verir ki, bu barədə regional prokurorluğun "Telegram" kanalında məlumat yayılıb.

İlkin məlumatlara görə, iyulun 24-ü gecə saatlarında Voljskaya küçəsində hərəkətdə olan "Chevrolet Lanos" markalı avtomobil qəzaya uğrayıb. Nəticədə minik avtomobilinin sürücüsü və beş sərnişini aldıqları ağır xəsarətlərdən elə hadisə yerindəcə can veriblər.

Hazırda hadisənin başvermə şəraiti araşdırılır.