Tacikistanda qiyam baş vermiş həbsxananın rəisi tutulub

Bakı. 16 noyabr. REPORT.AZ/ Tacikistanda qiyam baş vermiş Xocənd şəhərində yerləşən ciddi rejimli cəzaçəkmə müəssisəsinin rəisi Feyzullocon Safarov həbs edilib.

“Report” “Axbor”a istinadən xəbər verir ki, o, məhkumlara işgəncə verməkdə, səhlənkarlıqda və hazırlanan qiyamı gizli saxlamaqda ittiham olunur. 

Eyni zamanda həbsxananın daha bir neçə əməkdaşının rüşvət aldıqları, himayədarlıq etdikləri, cinayətləri gizlətdikləri üçün tutulacaqları gözlənilir.

Qeyd edək ki, noyabrın 7-də Xocənddəki həbsxanada baş vermiş qiyam nəticəsində 50 məhbus ölmüş, 100-ə yaxını isə yaralanmışdı.