Rusiyada olan Paşinyanın xidməti təyyarəsi Kazandan qayıda bilmir

Ermənistanın baş naziri vəzifəsini icra edən Nikol Paşinyanın xidməti təyyarəsində texniki nasazlıq aşkarlanıb.

“Report” xəbər verir ki, bu barədə Ermənistan hökumətindəki mənbəyə istinadən “Aysor.am” bildirib.

Məlumata görə, hazırda nasazlıq aradan qaldırılır.

Hökumətdən bildirilib ki, əgər problem həll edilməsə, nümayəndə heyəti Ermənistana başqa təyyarədə qayıdacaq.

Nikol Paşinyanın başçılıq etdiyi nümayəndə heyəti Tatarıstan Respublikasının paytaxtı Kazanda Avrasiya İqtisadi Birliyinin hökumətlərarası şurasının iclasında iştirak edib.