Rusiyada daha 130 nəfər pandemiyanın qurbanı oldu

Rusiyada son bir gündə daha 4 945 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 897 599 nəfərə çatıb.

Ölkədə virusdan ölənlərin sayı isə daha 130 nəfər artaraq 15 131-ə yüksəlib.

Bundan başqa, Rusiyada indiyədək koronavirusa yoluxan 703 175 nəfər sağalıb.

Bildirilib ki, yeni yoluxmaların əksəriyyəti paytaxt Moskvada aşkarlanıb – 694 nəfər.