Rusiyada 5 nəfər dəm qazından zəhərlənərək ölüb

Sverdlovsk vilayətində dəm qazından zəhərlənmə nəticəsində 5 nəfər ölüb.

“Report” xəbər verir ki, bu barədə TASS-a regional Səhiyyə Nazirliyinin mətbuat xidmətindən məlumat verilib.

“Mən faktı təsdiq edirəm”, - qurum rəsmisi regionda dəm qazından zəhərlənmə nəticəsində 5 nəfərin ölməsi ilə bağlı suala cavabında bildirib.

Fövqəladə Hallar Nazirliyinin region üzrə Baş İdarəsinin mətbuat xidmətindən agentliyə verilən məlumata görə, hadisənin baş vermə səbəbləri araşdırılır:

“Nijneserginsk bələdiyyə rayonunda baş verənlərin səbəblərini aydınlaşdırmaq üçün Rusiya Fövqəladə Hallar Nazirliyinin mütəxəssisləri cəlb olunub”.