Rusiya prezidenti: "Danışıqlar konstruktiv keçdi"

“Hər hansı düşmənçilik yoxdur, amma görüş prinsipial ruhda keçdi. Hər iki tərəfin yaxınlaşmaq mövqeyi var, danışıqlar konstruktiv keçdi”.

“Report”un Rusiya bürosu xəbər verir ki, bunu Rusiya lideri Vladimir Putin ABŞ prezidenti Co Baydenlə görüşündən sonra keçirilmiş mətbuat konfransında bildirib.

İki ölkənin aralarındakı problemləri həll etmək əzmində olduğunu qeyd edən Rusiya lideri görüşdə strateji məsələlərin, regional və kiber təhlükəsizliklə bağlı problemlərin, həmçinin ikitərəfli ticarət əlaqələrinin müzakirə olunduğunu diqqətə çatdırıb.