Rusiya nümayəndəsi: “Ukrayna ilə danışıqlar dayandırılmayıb”

Rusiya Prezident Vladimir Putinin köməkçisi, Ukrayna ilə danışıqlar üzrə Rusiya nümayəndə heyətinin başçısı Vladimir Medinski rəsmi Kiyevlə danışıqların davam etdiyini açıqlayıb.

“Report” “Qovorit Moskva”nın teleqram kanalına istinadən xəbər verir ki, bu barədə siyasətçi faşizm üzərində qələbəyə həsr edilən paraddan sonra jurnalistlərin suallarını cavablandırarkən bildirib.

“Rusiyanın Ukrayna ilə danışıqları dayandırılmayıb. Onlar distant formatda keçirilirlər”, - V.Medinski vurğulayıb.