Rusiya Nəqliyyat Nazirliyi Ukraynanın zərbələrinə görə Azov dənizində yükdaşımaların azala biləcəyini bildirib

Rusiya Nəqliyyat Nazirliyi Azov dənizində mülki donanmaya qarşı artan hücumlarla əlaqədar yük logistikasının təmin edilməsi üçün bütün zəruri tədbirləri görür.

"Report" Rusiya mediasına istinadən xəbər verir ki, bu barədə qurumun mətbuat xidmətindən bildirilib.

Qeyd olunub ki, gəmi sahibləri donanmanın qorunması üçün tədbirlər hazırlayırlar. Limanlarda trafiki təkmilləşdirməyə və yüklərin emalı vaxtını azaltmağa çalışırlar:

"Zərurət yarandıqda və operativ vəziyyət nəzərə alınmaqla yüklər digər nəqliyyat növlərinə yönləndiriləcək".