Rusiya Krivoy-Roq şəhərinə hücum edib, 10 nəfər ölüb, 28 nəfər yaralanıb - YENİLƏNİB

Rusiyanın Ukraynanın Krivoy Roq şəhərinə raket zərbələri endirməsi nəticəsində ölənlərn sayı 10-a çatıb.

“Report” xəbər verir ki, bu barədə Dnepropetrovsk vilayəti hərbi administrasiyasının başçısı Sergey Lısak bildirib.

Onun sözlərinə görə, 6 nəfərin meyiti özəl müəssisənin dağıntıları altından çıxarılıb, daha 1 nəfərin axtarışı isə davam edir: “Raket zərbəsinin beşmərtəbəli yaşayış binasına düşməsi nəticəsində isə daha 4 nəfər ölüb, 28 nəfər yaralanıb”.

Xatırladaq ki, iyunun 14-ü Krivoy Roqda matəm elan edilib.

09:17

Rusiya Silahlı Qüvvələri ötən gecə Ukraynanın Krivoy-Roq şəhərini atəşə tutub.

“Report”un xəbərinə görə, bu barədə Dnepropetrovsk vilayət hərbi administrasiyasının rəhbəri Sergey Lısak məlumat verib.

O bildirib ki, beşmərtəbəli binaya hücum nəticəsində 3 nəfər ölüb, 25 nəfər yaralanıb. Xəsarət alanlardan 19-u xəstəxanadadır. 7 nəfər dağıntılar altında qalıb.

S.Lısakın sözlərinə görə, hava hücumundan müdafiə qüvvələri 3 qanadlı raketi məhv edib.