Qriqoryan: Rusiya ilə münasibətlərdə gələcək proseslər Moskvanın mövqeyindən asılıdır

Ermənistanla Rusiya arasında təhlükəsizlik və hərbi əməkdaşlıq sahəsində münasibətlərdə gələcək proseslər Moskvanın mövqeyindən asılıdır.

“Report” “Sputnik Ermənistan”a istinadən xəbər verir ki, bunu Ermənistan Təhlükəsizlik Şurasının katibi Armen Qriqoryan deyib.

Onun sözlərinə görə, Ermənistana silah və hərbi texnikanın tədarük strukturunda Rusiyanın payı əvvəlki 96 %-lik göstərici ilə müqayisədə xeyli azalıb və hazırda 10 %-dən də aşağıdır. A.Qriqoryan əlavə edib ki, bu, Rusiyanın özünün verdiyi qərarla baş verib.