Qazaxıstana göndərilən sülhməramlıların silahdan istifadə hüququ var

"Qazaxıstana göndərilən sülhməramlıların silahdan istifadə etmək hüququ var".

“Report” xəbər verir ki, bu barədə Kollektiv Təhlükəsizlik Müqaviləsi Təşkilatının (KTMT) baş katibi Stanislav Zas “RİA Novosti”yə bildirib.

Zas deyib ki, KTMT-nin Qazaxıstandakı kollektiv sülhməramlı qüvvələri silahlı dəstələrin hücumu zamanı atəş açmaq hüququna malikdir.

Bundan əvvəl baş katib vurğulayıb ki, Qazaxıstandakı kollektiv sülhməramlı qüvvələrinin sayı təxminən 2,5 min nəfər olacaq, lazım gələrsə, gücləndirilə bilər.

Eyni zamanda o qeyd edib ki, sülhməramlılar vəziyyətə uyğun çıxış edəcəklər.