Vladimir Putin: "Qərbin Rusiyaya qarşı münasibəti ciddi şəkildə dəyişməyəcək"

"Əgər biz tamamilə təslim olsaq və milli fundamental maraqlarımıza tüpürsək, hansısa dəyişikliklər olacaqmı? Ola bilsin, bəzi xarici siqnallar olacaq, lakin heç bir ciddi dəyişiklik olmayacaq".

"Report" xəbər verir ki, bunu Rusiya prezidenti Vladimir Putin canlı yayımda suallara cavab verərkən deyib.

O eyni zamanda Qərb ölkələrinin, xüsusən də ABŞ-ın siyasi fikir ayrılığı olmadığı dövlətlərə də təzyiq göstərdiyinə diqqət çəkib.

Rusiya prezidentinin sözlərinə görə, müasir dünyada rəqabət mübarizəsinin qeyri-bazar üsullarından çox vaxt istifadə olunur.

Daha əvvəl ABŞ prezidenti Donald Tramp Osakada keçiriləcək G20 sammitində rusiyalı həmkarı Vladimir Putin ilə görüşəcəyini təsdiq edib.