Polşa XİN: Azərbaycan və Ermənistan arasında sülh sazişinin imzalanması regionun inkişafına gətirib çıxaracaq

Varşava Azərbaycan və Ermənistan arasında sülh sazişinin mətni üzrə danışıqların başa çatmasını alqışlayır.

“Report” xəbər verir ki, bu barədə Polşa Xarici İşlər Nazirliyinin (XİN) “X” sosial şəbəkəsindəki hesabında paylaşım edilib.

"Polşa Azərbaycan və Ermənistan arasında sülh sazişi mətninin razılaşdırılmasını alqışlayır və onun tezliklə imzalanmasına ümid edir. Sazişin imzalanması iki ölkənin xeyrinə regionda sabitləşməyə və əməkdaşlığın inkişafına töhfə verəcək", - nəşrdə qeyd olunub.

Xatırladaq ki, ötən gün Azərbaycan və Ermənistan XİN-ləri Bakı və İrəvan arasında sülh və dövlətlərarası münasibətlərin qurulması haqqında Saziş layihəsinin mətni üzrə danışıqların başa çatdığını rəsmən bildiriblər.