Rusiya sülh nizamlanması üzrə memorandum layihəsini Kiyevə hələ təqdim etməyib

Rusiya Ukraynaya nizamlanma üzrə memorandum layihəsini hələ təqdim etməyib, bu ciddi sənəd üzərində iş davam edir.

“Report” Rusiya KİV-ə istinadən xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə bildirib.

"Rusiya memorandumunun layihəsi hələ təqdim edilməyib. İş davam edir. Bu, ciddi sənəd layihəsidir, o, diqqətli yoxlanma və işlənmə tələb edir", - o qeyd edib.