Peskov: Rusiya ABŞ-dən Ukrayna üzrə danışıqların nəticələri barədə məlumat almayıb

Rusiya tərəfi hələ ki ABŞ-dən Cenevrədə Ukrayna üzrə danışıqların nəticələri barədə heç bir rəsmi məlumat almayıb.

"Report"un Rusiya KİV-inə istinadən verdiyi məlumata görə, bunu ölkə prezidentinin mətbuat katibi Dmitri Peskov jurnalistlərə açıqlamasında bildirib.

"Xeyr, biz hələlik heç bir məlumat almamışıq. Əlbəttə ki, biz Cenevrədən gələn KİV məlumatlarını çox diqqətlə izləyirik. Lakin rəsmi olaraq hələ heç nə almamışıq", - o qeyd edib.