Peskov: Kreml Ciddədəki ABŞ-Ukrayna danışıqları barədə Rusiyanın məlumatlandırılmasını gözləyir

Kreml gözləyir ki, Vaşinqton Səudiyyə Ərəbistanındakı ABŞ-Ukrayna danışıqlarının nəticələri barədə Rusiyanı hansısa şəkildə məlumatlandıracaq.

“Report” yerli KİV-lərə istinadən xəbər verir ki, bu barədə Rusiya Prezidentinin mətbuat katibi Dmitri Peskov bildirib.

"Bu gün Ciddədə ABŞ-Ukrayna danışıqları olacaq. Sülh nizamlanmasına çıxış yollarını axtaran ABŞ tərəfi bizi hansısa şəkildə məlumatlandıracaq", - o, Rusiya Prezidenti Vladimir Putin ilə Ağ Ev rəhbərinin Yaxın Şərq üzrə xüsusi nümayəndəsi Stiv Uitkoffun görüşünün mümkünlüyü barədə məlumatları şərh edərkən vurğulayıb.

"Bunun necə ediləcəyi barədə sizə vaxtında məlumat verəcəyik", - D.Peskov əlavə edib.