Nikol Paşinyanın reytinqi kəskin düşüb

Son zamanlar Ermənistanın baş naziri Nikol Paşinyanın reytinqi kəskin şəkildə düşüb.

“Report” “İrates”ə istinadən xəbər verir ki, bu, son deyil və hökumət başçısının reytinqi düşməkdə davam edir.

“Koronavirus şəraitində rəy sorğusu keçirmək çətindir. Ancaq koronavirus hay-küyü başlayandan sonra iqtisadi kollaps, təyyarə-almaz-siqaret-silah qalmaqalı onun reytinqini azaltmayıb, ona olan nifrətin artmasına səbəb olub”, - qəzet bildirib.

Qəzetin yazdığına görə, mütəxəssislər tezliklə reytinq şkalasını dərc edəcəklər: “Bundan sonra Ermənistan daxilindəki hadisələr həlledici, fəal fazaya keçəcək. Məlumatlı mənbələr real hadisələrin iyul-avqust aylarında baş verəcəyini təsdiqləyirlər”.