NATO-nun Baş katibi: "Ukraynadakı vəziyyət Avropanın təhlükəsizliyində dərin fəsadlar buraxır"

“Ukraynadakı vəziyyət Avropanın təhlükəsizliyində dərin fəsadlar buraxır və bütün dünya nizamına mənfi təsir göstərir”.

“Report” xəbər verir ki, bunu NATO-nun Baş katibi Yens Stoltenberq Alyansın XİN başçılarının iclasının bugünkü açılışında söyləyib.

“Bu gün bizim tərəfdaşlarımızın burada olması Ukraynanı dəstəkləmək, Rusiyanın təcavüzünü pisləmək və dünya nizamı qaydalarına əsaslanan müdafiədə birliyimizi nümayiş etdirir”, - o vurğulayıb.

NATO ilə görüşdə Ukrayna, Gürcüstan, Finlandiya, İsveç, Avstraliya, Yaponiya, Cənubi Koreya, Yeni Zelandiyanın xarici işlər nazirləri, həmçinin Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Jozep Borrel iştirak edir.