Rusiyada təyyarə qəzasında bir nəfər xəsarət alıb - Yenilənib

Rusiyada Serpuxov şəhəri yaxınlığındakı Novinki aerodromundan 3 kilometr aralıda qəzaya uğrayan təyyarənin göyərtəsində iki nəfər olub.

"Report"un Rusiya mətbuatına istinadən verdiyi məlumata görə, təyyarə hündürlük əldə edən zaman qəzaya uğrayıb.

Hadisə nəticəsində bir nəfərin yaralandığı, göyərtədəki ikinci şəxsin isə xəsarət almadığı qeyd edilib.

17:57

Yüngül mühərrikli təyyarə Moskva ətrafındakı Novinki aerodromunda qəzaya uğrayıb.

"Report" xəbər verir ki, bu barədə "REN TV"nin mənbələri bildirib.

Hazırda təfərrüatlar dəqiqləşdirilir.