Mirzoyan: İrəvan və Bakı sülh sazişi qüvvəyə mindikdən sonra iddialarını geri götürəcək

Sülh sazişi qüvvəyə mindikdən sonra Ermənistan və Azərbaycan beynəlxalq iddialarını eyni vaxtda geri götürəcək.

“Report” xəbər verir ki, bunu Ermənistanın xarici işlər naziri Ararat Mirzoyan erməni KİV-ə bildirib.

"Saziş qüvvəyə mindikdə və tərəflər iddialarını geri götürdükdə hər iki tərəf saziş imzalanana qədər tərəflər arasında mövcud olan problemlərlə bağlı bir-birinə qarşı gələcəkdə iddia irəli sürməməyi eyni vaxtda öhdəsinə götürür", - o vurğulayıb.