Mahaçqalada qazdan zəhərlənən üç uşaq ölüb

Mahaçqalada məişət qazından zəhərlənmə nəticəsində üç uşaq həlak olub.

"Report"un Rusiya mediasına istinadən məlumatına görə, bu barədə Dağıstan Respublikasının Prokurorluğundan bildirilib.

İlkin məlumatlara görə, iyulun 25-də Buqlen küçəsindəki evdə nəzarətsiz qalan uşaqlar onlar üçün əlçatan yerdə yerləşən qaz kranını açıblar. Nəticədə onlar zəhərlənərək həlak olublar.

Faktla bağlı ehtiyatsızlıqdan ölümə səbəb olma barədə cinayət işi başlanıb ki, bu da dörd ilə qədər azadlıqdan məhrumetməni nəzərdə tutur.