Kreml: “Prezident seçkisində heç kəs Putinlə rəqabət apara bilməyəcək”

"Rusiya Prezidenti Vladimir Putin hələ ki, qarşıdan gələn prezident seçkisi ilə bağlı namizədliyini irəli sürəcəyini açıqlamayıb, amma o, namizədliyini irəli sürərsə, heç kim onunla rəqabət apara bilməyəcək".

“Report”un Rusiya bürosunun məlumatına görə, bunu Rusiya Prezidentinin mətbuat katibi Dmitri Peskov deyib.

O əlavə edib ki, V.Putin əhalinin mütləq dəstəyini alır və uzun illərdir ki, imkanlarını reallaşdırmaq bacarığını nümayiş etdirir.

Xatırladaq ki, Rusiyanın mövcud seçki qanunvericiliyinə əsasən, bu ölkədə növbəti prezident seçkisi 2024-cü il martın 17-də keçiriləcək.