KİV: Bəşər Əsəd Türkiyə ilə dialoqdan imtina edib

Suriyadakı Bəşər Əsəd hakimiyyəti Türkiyə ilə dialoqdan imtina edib.

“Report” xəbər verir ki, bu barədə Türkiyə KİV-i məlumat yayıb.

Bildirilib ki, B.Əsəd dialoq üçün şərtlər irəli sürüb.

O, Türkiyənin Suriya torpaqlarından çıxmasının zəruriliyini ifadə edib.

Qeyd edək ki, daha əvvəl B.Əsədin Rusiya Prezidenti Vladimir Putinin vasitəçiliyi ilə Türkiyə lideri Rəcəb Tayyib Ərdoğanla görüşə biləcəyi barədə məlumat yayılmışdı.