İzmirdə güclü zəlzələ olub, yaralananlar var

Türkiyənin İzmir şəhərinin Bayraklı rayonunda dağıntılar altından 3 nəfər yaralı olaraq çıxarılıb.

“Report” xəbər verir ki, bu barədə məlumatı “Anadolu” yayıb.

16:22

Türkiyənin İzmir şəhərinin Bayraklı rayonunda güclü zəlzələ nəticəsində bina çöküb.

“Report” “Anadolu”ya istinadən xəbər verir ki, hadisə ilə əlaqədar axtarış-xilasetmə işlər başlanıb.

16:09

Türkiyənin İzmir şəhərinin Seferihisar rayonunun sahilində 6,6 bal gücündə zəlzələ olub.

“Report” xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Məlumata görə, yeraltı təkanın ocağı 16,54 km dərinlikdə olub.

Zəlzələ Bakı vaxtı ilə 15:54-də baş verib.

Dağıntıların olub-olmaması barədə hələ ki, məlumat yoxdur.