İranda fabrikdə baş verən partlayış nəticəsində 9 nəfər həlak olub

İranın İsfahan əyalətində fabriklərin birində baş verən partlayış nəticəsində doqquz nəfər həlak olub.

"Report" İran mediasına istinadən xəbər verir ki, bu barədə əyalətin fövqəladə hallar idarəsinin rəhbəri Mənsur Şişaforuş bildirib.

O deyib ki, yanğın Barhur şəhərindəki Dövlətabad Sənaye Parkında yerləşən elektronika istehsalı fabrikində qeydə alınıb.

Şişaforuş vurğulayıb ki, hadisə nəticəsində sənaye zavodunda doqquz işçi qaz zəhərlənməsindən ölüb və xilasetmə işləri uğursuz olub.

1 700 hektarlıq ərazini əhatə edən Dövlətabad Sənaye Parkı İsfahanın şimalında yerləşir və ölkənin ən böyük sənaye parklarından biridir.