İran XİN: Moskva və Tehran strateji tərəfdaşlıq müqaviləsini yanvarda imzalayacaq

Rusiya Prezidenti Vladimir Putinlə İran Prezidenti Məsud Pezeşkian 2025-ci ilin yanvarında əhatəli strateji tərəfdaşlıq haqqında müqaviləni imzalamaq üçün görüşəcək.

“Report” “Mehr” agentliyinə istinadən xəbər verir ki, bunu İran Xarici İşlər Nazirliyinin mətbuat xidmətinin katibi İsmayıl Baqai dekabrın 23-də keçirdiyi mətbuat konfransında bildirib.

“Ümid edirəm ki, bu sənəd yanvarın sonunda imzalanacaq”, - o qeyd edib.

Məlumata görə, sənəd enerji, istehsal, nəqliyyat və kənd təsərrüfatı kimi sahələrdə ikitərəfli əməkdaşlığı əhatə edəcək.

Bildirilib ki, dekabrın 23-də Rusiya baş nazirinin müavinləri Vitali Savelyev və Aleksey Overçukun başçılıq etdiyi Rusiya nümayəndə heyəti Tehrana səfər edib. Onların İran prezidenti Məsud Pezeşkianla görüş planlaşdırdığı da vurğulanıb.