Gürcüstanın yeni hökumətinin əvvəlki tərkibdə olacağı gözlənilir

“Gürcüstan hökuməti eyni tərkibdə qalacaq və əsaslı dəyişikliklər olmayacaq”.

“Report”un yerli bürosu xəbər verir ki, bu barədə parlament çoxluğunun lideri İrakli Kobaxidze bildirib.

Onun sözlərinə görə, vakant olan ədliyyə naziri vəzifəsinə kimin təyin olunması ilə bağlı müzakirələr hələ aparılmayıb.

İ.Kobaxidze qeyd edib ki, yaxın günlərdə baş nazir postuna namizəd Giorgi Qaxariya ilə görüş keçiriləcək və hökumətin formalaşdırılması məsələsi müzakirə olunacaq.

Qeyd edək ki, Gürcüstanın keçmiş ədliyyə naziri Tea Tsulukiani deputat seçilib. Bu gün hakim Gürcü Arzusu Partiyasının mərkəzi ofisində parlament çoxluğunun iclası keçirilib. Toplantıda hökumətin tərkibi və cari siyasi proseslərin müzakirəsi aparılıb.