Gürcüstanın hərbi sənayesində birgə müəssisələr yaradılacaq

“Gürcüstanın milli hərbi sənayesinin inkişafı əsas prioritetlərdən biridir və gələn il yeni layihələrlə bağlı effektiv addımlar atılacaq”.

“Report”un yerli bürosu xəbər verir ki, bunu Gürcüstanın müdafiə naziri İrakli Qaribaşvili illik hesabatı təqdim edərkən bildirib.

Onun sözlərinə görə, bu sahədə birgə müəssisələrin yaradılması üzrə tərəfdaş ölkələr - Polşa, Çexiya və İsraillə danışıqlara başlanılıb.

İ.Qaribaşvili həmçinin qeyd edib ki, növbəti 10 il üçün ümumi müdafiə prinsipinə əsaslanan milli müdafiə strategiyası hazırlanıb.