Bakı 24° C
Gürcüstanda işsizlik səviyyəsi artıb
- 19 noyabr, 2018
- 09:07
Tbilisi. 19 noyabr. REPORT.AZ/ Gürcüstanda bu ilin III rübündə işsizlik səviyyəsi 12,2% təşkil edib.
“Report”un yerli bürosu xəbər verir ki, bu barədə Gürcüstanın Milli Statistika İdarəsi məlumat yayıb.
Qonşu ölkədə işsizlik göstəricisi rüblük müqayisədə 0,1% artıb.
Gürcüstanda iqtisadi fəallıq səviyyəsi 64,3% təşkil edib. İşsizlik səviyyəsi kişilər arasında 13%, qadınlar arasında isə 11,3% olub.
Şəhər yerlərində bu göstərici 18,3%, kəndlərdə isə 6%-ə bərabər olub.
İşsizlik səviyyəsinin artması mövsümi faktorlarla, təhsil sektorunda çalışanların sayının azalması və dayələr arasında işlə təminatın aşağı olması ilə əlaqələndirilir.
Gürcüstanda cari ilin birinci rübündə işsizlik səviyyəsi 14% təşkil edib. Buna müvafiq olaraq, II və III rüblərdə işsizlik səviyyəsi azalma tendensiyası nümayiş etdirib.
Müəllif
