Gürcüstanda daha 549 nəfər koronavirusa yoluxub, 4 pasiyent ölüb

Gürcüstanda son sutkada koronavirusa 549 yeni yoluxma faktı qeydə alınıb, 268 nəfər sağalıb, 4 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19-a yoluxanların sayı 9 245-ə, sağalanların sayı 4 887-yə çatıb. Xəstəlikdən ölənlərin sayı isə 58 olub.

Hazırda karantində 5 392, tibbi nəzarətdə 836 nəfər saxlanılır. Xəstəliyi simptomsuz keçirən 1 100 xəstə isə xüsusi otellərdə müalicə olunur.