Gürcüstanda bu il 33 mindən çox cinayət törədilib

Bu ilin birinci yarısında Gürcüstanda 33 399 cinayət faktı qeydə alınıb.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.

Yanvar-iyun aylarında qeydə alınan cinayət hallarının böyük əksəriyyəti - 13 682-i əmlaka zərər vurma ilə bağlı olub.

İnsan sağlamlığına zərər vurma ilə bağlı 6 116, narkotik vasitələrlə bağlı 2 738, insan haqları və azadlıqlarına qarşı 1 676 cinayət əməli törədilib.