Gürcüstanda aviadaşımalara məhdudiyyətlərin müddəti uzadıldı

Gürcüstanda müntəzəm aviareyslərə tətbiq olunan məhdudiyyətlər mayın 10-dək uzadılıb.

“Report”un yerli bürosu xəbər verir ki, bu barədə Gürcüstanın Mülki aviasiya Agentliyindən bildirilib.

Qeyd olunub ki, ölkədə fövqəladə rejimlə bağlı olaraq hava, quru və dəniz vasitəsilə beynəlxalq sərnişin daşımaları dayandırılıb. Çarter reyslər hökumət rəsmiləri ilə razılaşdırma əsasında həyata keçirilir.

Qeyd edək ki, Gürcüstanda mayın 10-dək fövqəladə rejim qüvvədə olacaq.