Erməni arxiyepiskop iki il müddətinə həbs edilib

Erməni apostol kilsəsinin Şirak yeparxiyasının başçısı arxiyepiskop Mikael Acapaxyan iki il müddətinə azadlıqdan məhrum edilib.

"Report" Ermənistan mediasına istinadən xəbər verir ki, hökmü hakim Armine Meliksetyan çıxarıb.

Daha əvvəl prokuror Arman Baqdasaryan Şirak yeparxiyasının başçısının həbsdə keçirdiyi müddət çıxılmaqla 2 il 6 ay müddətinə azadlıqdan məhrum edilməsini tələb etmişdi.

M.Acapaxyan bu ilin iyun ayından istintaq təcridxanasındadır. Onun vəkilləri bir ay ərzində məhkəmənin qərarından apellyasiya şikayəti verə bilərlər.