Kreml: “Ərdoğan-Putin görüşü mümkündür” - YENİLƏNİB

“Rusiya Prezidenti Vladimir Putinlə türkiyəli həmkarı Rəcəb Tayyib Ərdoğan arasında görüş mümkündür”.

“Report” xəbər verir ki, bunu Kremlin sözçüsü Dmitri Peskov deyib.

O bildirib ki, Rusiya R.T.Ərdoğanla Ukrayna Volodimir Zelenskinin bu gün baş tutacaq görüşünü diqqətlə izləyəcək.

D.Peskovun sözlərinə görə, Putinlə Ərdoğanın ehtimal edilən görüşünün dəqiq tarixi məlum deyil.

13:21

Türkiyə Prezidenti Rəcəb Tayyib Ərdoğan Ukraynanın dövlət başçısı Volodimir Zelenski ilə görüşəndən sonra Rusiya lideri Vladimir Putinlə də bir araya gələcək.

“Report” “A Haber”ə istinadən xəbər verir ki, görüşün yeri və dəqiq tarixi açıqlanmayıb.

R.T.Ərdoğan və V.Putinin üz-üzə müzakirələr aparacaqları gözlənilir.

Qeyd edək ki, V.Zelenski bu gün Türkiyəyə səfər edəcək.