Ərdoğan: "Ukraynadan 4 milyon tondan çox taxıl daşınıb"

“Ukraynadan müharibə başlayandan 4 milyon tondan çox taxıl dəhlizlər vasitəsilə dünya bazarına çıxarılıb”.

“Report” Türkiyə KİV-ə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib.

Onun sözlərinə görə, proses davam edir: "Bizim indi ən vacib addımlarımızdan biri Rusiyadan taxılın dünya bazarına çıxarılmasıdır”.

Qeyd edək ki, Rusiyanın Ukraynaya qarşı müharibəsi bu il fevralın 24-də başlayıb. Nəticədə Ukrayna taxılının dünya bazarına çıxarılması mümkünsüz olub. Ancaq iyul ayında İstanbulda Türkiyə, Rusiya, Ukrayna və BMT arasında baş tutan danışıqlar zamanı dünya ölkələrinə taxıl daşınmasına dair razılıq əldə olunub.