Berbok: “Almaniya təhlükəsizlik mövzusunda Rusiya ilə dialoq aparmağa hazırdır”

“Rəsmi Berlin qarşılıqlı təhlükəsizlik addımları haqqında Rusiya ilə ciddi dialoq aparmağa hazırdır”.

Bunu Almaniyanın xarici işlər naziri Annalena Berbok Rusiyanın XİN rəhbəri Sergey Lavrovla danışıqlardan sonra bildirib.

Bu barədə “Report” “RİA Novosti”yə istinadən xəbər verir.

“Rusiya təhlükəsizlik zəmanəti tələb edib və bu (Lavrovla danışıqlarda) bir daha vurğulandı. Biz Avropanın ümumi təhlükəsizliyini, Riqada, Buxarestdə, Berlində və Peterburqda yaşayan insanların təhlükəsizliyini möhkəmləndirəcək razılaşmalar və addımlar barədə ciddi danışıqlar aparmağa hazırıq”, - Almaniyanın XİN rəhbəri deyib.