Ankara və Stokholm arasında İkitərəfli Təhlükəsizlik Əməkdaşlıq Mexanizminə hazırlıq müzakirə olunub

Türkiyə və İsveçin xarici siyasət idarələri arasında İkitərəfli Təhlükəsizlik Əməkdaşlıq Mexanizminə hazırlıq müzakirə olunub.

“Report” xəbər verir ki, bu barədə Türkiyə XİN-in mətbuat xidməti bildirib.

“Xarici işlər nazirimizin müavini səfir Burak Akçapar İsveçin xarici işlər üzrə dövlət katibi səfir Yan Knutsson ilə görüşüb. Görüşdə NATO-nun Vilnüs Sammiti çərçivəsində qərara alınmış və Türkiyə ilə İsveç arasında nazirlər səviyyəsində qurulması nəzərdə tutulmuş İkitərəfli Təhlükəsizlik Əməkdaşlıq Mexanizminə hazırlıq və regional məsələlər müzakirə edilib”, – nazirlik diqqətə çatdırıb.

Xatırladaq ki, ötən ilin iyulunda İsveçin xarici işlər naziri Ulf Kristersson (hazırda baş nazirdir) ölkəsinin Türkiyə ilə əməkdaşlıq formatında yeni ikitərəfli təhlükəsizlik dialoqu quracağını açıqlamışdı.