İmişlidə I Qarabağ müharibəsinin itkin-şəhidi Mürşüd Nərimanov dəfn edilib - YENİLƏNİB

Birinci Qarabağ müharibəsində itkin düşmüş hesab edilən Mürşüd Nərimanov dəfn olunub.

"Report"un Muğan bürosu xəbər verir ki, onun nəşi Məzrəli kənd qəbiristanlığında torpağa tapşırılıb.

13:19

İmişlidə rayonunda Birinci Qarabağ müharibəsində itkin düşmüş hesab edilən Mürşüd Nərimanovla vida mərasimi keçirilib.

"Report"un Muğan bürosu xəbər verir ki, vida mərasimində şəhidin doğmaları, İmişli rayonunun rəsmi şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Mürşüd Nadir oğlu Nərimanov 1963-cü il yanvarın 5-də İmişlinin Məzrəli kəndində anadan olub. 1994-cü il yanvarın 26-da Ağdam rayonunun Qərvənd kəndində itkin düşüb.

M.Nərimanov doğulduğu kənddə dəfn ediləcək.