Beynəlxalq səyahətçilər Ağdamda olublar

Beynəlxalq səyahətçilərin Ağdam rayonuna səfəri başa çatıb.

“Report” xəbər verir ki, səfər zamanı qonaqlar Ağdamda erməni vandalizminin izlərini görüblər.

Onlar işğal zamanı dağıdılmış mülki obyektlər, dini və mədəni-tarixi abidələr, o cümlədən Cümə məscidi, Çörək Muzeyi və Şahbulaq qalasında olublar.

Xatırladaq ki, beynəlxalq səyahətçilərin Qarabağa və Şərqi Zəngəzura dördgünlük səfəri bu gün başlayıb. Onlar 4 gün ərzində Ağdam-Tərtər-Kəlbəcər-Laçın-Qubadlı-Zəngilan-Cəbrayıl-Füzuli-Xocavənd-Şuşa avtomobil yolunun marşrutu üzrə hərəkət edəcəklər.

Səfər dünyaca məşhur MTP (“Most Traveled People”) təşkilatı tərəfindən təşkil olunub.