Gəncə Apellyasiya Məhkəməsinə 2 hakim təyin edilib

Milli Məclisin bu gün keçirilən plenar iclasında “Gəncə Apellyasiya Məhkəməsi hakimlərinin təyin və azad edilməsi haqqında” məsələ müzakirəyə çıxarılıb.

“Report”un xəbərinə görə, sənəd parlamentə Azərbaycan Prezidentinin imzası ilə daxil olub.

Gəncə Apellyasiya Məhkəməsinin hakimi vəzifəsinə Salman Bilal oğlu Hüseynov və Mirbahəddin Mirdamət oğlu Hüseynovun namizədliyi irəli sürülüb.

Tapdıq Şükür oğlu Mahmudov isə vəzifəsinin dəyişdirilməsi ilə əlaqədar olaraq Gəncə Apellyasiya Məhkəməsinin hakimi vəzifəsindən azad edilib.

Məsələ müzakirələrdən sonra səsverməyə çıxarılaraq qəbul edilib.