Deputat: "Azərbaycanın diplomatik nümayəndələrinə qarşı hücumlar başlayıb"

“Artıq erməni təxribatı işə düşüb. Biz ona görə daha diqqətli olmalıyıq. Artıq Azərbaycanın diplomatik nümayəndələrinə qarşı hücumlar başlayıb. Səfirlər, diplomatik nümayəndələr hədələnir”.

“Report”un xəbərinə görə, bunu Milli Məclisin Regional məsələlər komitəsinin sədri Siyavuş Novruzov parlamentin bu gün keçirilən plenar iclasında deyib.

“Vaxtilə Türkiyəyə qarşı da belə addımlar atılmışdı. Xaricdə oturub erməni pulu alan sapı özümüzdən olan baltalar təxribat dolu çıxışlar edirlər. Bu məsələdə deputatlar fəal olmalıdır. Həmçinin biz səfirliklərimizin daha ciddi qorunması üçün müraciət etməliyik”, - deputat bildirib.