Vüqar Gülməmmədov: "Bu il portfel üzrə keçirilmiş auditlərin nisbətini artırmağı hədəfləyirik"

Hesablama Palatası tərəfindən 2021-ci ildə portfel üzrə keçirilmiş auditlərin 54 %-i açıqlanırdısa, 2022-ci ildə bu 60 %-ə yüksəlib.

"Report" xəbər verir ki, bunu Hesablama Palatasının sədri Vüqar Gülməmmədov Ümummilli Lider Heydər Əliyevin 100 illik yubileyinə həsr olunmuş "Dayanıqlı inkişaf. Hesabatlılıq. Şəffaflıq" mövzusunda beynəlxalq elmi-praktik konfransda deyib.

"2023-cü il üzrə bu nisbətin artırılmasını hədəfləyirik. Hesab edirik ki, qurumların auditin nəticəsi olaraq görülən işlər barədə ictimaiyyəti məlumatlandırmağı bu hədəfi daha nəticəli edə bilər", - V. Gülməmmədov bildirib.

Onun sözlərinə görə, auditlərin nəticələri ilə bağlı ictimaiyyətə açıqladığımız məlumatlarda son illərdə əhəmiyyətli artım var.