Qeyri-neft sektorunun özəl bölməsi üzrə vergi daxilolmaları 45% artıb

Bu ilin yanvar-fevral aylarında Azərbaycanda qeyri-neft sektorunun özəl bölməsi üzrə vergi daxilolmaları 1 076,7 milyon manat təşkil edib.

"Report" xəbər verir ki, bu barədə iqtisadiyyat naziri Mikayıl Cabbarov məlumat verib.

Onun sözlərinə görə, bu, ötən ilin eyni dövrü ilə müqayisədə 44,9% çoxdur.

Bundan başqa, nazir qeyd edib ki, son 1 ildə neft sektorundakı subpodratçıların vergiləri istisna olmaqla, özəl sektordan vergi daxilolmaları 51,9% artaraq 939,8 milyon manata çatıb.