"Para" BOKT-un səhmdarlarının yığıncağının vaxtı dəyişib, gündəliyi genişlənib

"Para" ASC bank olmayan kredit təşkilatının (BOKT) səhmdarlarının mayın 23-də, saat 11:00-da keçirilməsi planlaşdırılan növbəti ümumi yığıncağı mayın 26-na keçirilib.

“Report” bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, yığıncaq BOKT-un baş ofisinin yerləşdiyi Bakı şəhəri, Nəsimi rayonu, Səməd Vurğun küçəsi, 60 ünvanında olacaq.

Yığıncağın gündəliyinə "Para"nın Müşahidə Şurasının yeni tərkibinin müəyyən edilməsi və 2024-cü il üzrə maliyyə hesabatının təsdiq olunması daxildir.

Xatırladaq ki, "Para" 2016-cı ildə lisenziyası ləğv olunmuş "Parabank" ASC-nin bazasında 2017-ci ildə yaradılıb. Onun nizamnamə kapitalı 29,266 milyon manatdır. BOKT-un səhmlərinin 19%-i Eldar Quliyevə, 16% Alevtina Quliyevaya, 13%-i Tamilla Hacıyevaya, 12%-i Vəli Quliyevə, 11%-i Elnur Quliyevə, 8%-i Fərman Quliyevə, 6%-i Əşrəf Səfərova, 6%-i Faiq Səfərova, 4%-i Rasim Poladova. 2%-i İbrahim Səfərova, 2%-i Əvəz Səfərliyə, 2%-i isə digər şəxslərə məxsusdur.